October 02, 2007

Breaking news

Unknown | 7:23 AM |
အောက်တိုဘာလ ၂ ရက်၊ ၂၀၀၇ ခုနှစ်။
မန္တလေးအခြေအနေ
“ဒီနေ့က တော်တော်ငြိမ်သွားပြီ။ အခုဆို ကားဂိတ်တွေတိုင်းမှာ သံဃာတော်တွေ အပြည့်ပဲ။ ဟိုရက်တွေကဆို ပိုများတယ်။ သူတို့ကလည်း ဒီရက်တွင်းမှာ ကျောင်းရှိရင် ကျောင်းကိုပြန်၊ အိမ်ရှိရင် အိမ်ကို ပြန်ပေါ့ဗျာ၊ အကုန်လုံး ပြန်ကြရရှာပြီ။ မဟုတ်ရင်လည်းပဲ နိုင့်ထက်စီးနင်း ဝင်စီးတာတွေ ဖြစ်ရင် သွေးထွက်သံယိုတွေ ဖြစ်မှာဆိုတော့လေနော်။ အခုတော့ ခဏ၊ ယာယီပေါ့ဗျာ။ ဆိုတော့ ဘာဖြစ်လဲဆိုရင် နယ်မြို့တွေမှာ ဘာတွေဖြစ်လဲဆိုရင် ဓာတ်ပုံထဲ ပါတဲ့ဟာတွေ။ ဆန္ဒပြပွဲမှာ ဦးဆောင်တဲ့လူတွေကို တစိမ့်စိမ့် လိုက်ဆွဲနေတာပေါ့လေ။ အနည်းအကျဉ်းပေါ့နော်၊ အများကြီးတော့ မဟုတ်ပါဘူး”
“လုံခြုံရေးက အခုဆိုရင် ပိုများလာတယ်။ ဥပမာဆိုရင် စည်ပင်သာယာ ရုံးနားတဝိုက်မှာ အရင်တုန်းကဆိုရင် မရှိခဲ့ဘူးလေ။ အခုဆိုရင် တွေ့ခဲ့တဲ့လူတွေ ပြောတာ မန္တလေး စည်ပင်သာယာရုံးရဲ့ ဘေးချင်း ကပ်ရက်က အမေရိကန် သံရုံးပိုင် နယ်မြေနားတဝိုက်မှာ ဆိုရင် အစောင့်တွေ တော်တော်များများ ချထားတယ်လို့ ပြောတယ်။ နောက် ဗထူးကွင်းလို နေရာမှာတွေလည်း အများကြီး ချထားတယ်လို့ ပြောတယ်။ တစုတစုကို မရှိပါဘူး ဆိုရင်လည်း အနည်းဆုံးတော့ ၃-၄-၅ဝ ရှိမှာပေါ့။ တမြို့လုံးနီးပါးကို ချထားတယ်။ အမျိုးမျိုးပေါ့ဗျာ။ သူတို့ တွက်ဆတာတွေကိုလည်း ကိုယ်က လက်လှမ်းမမှီပါဘူး။ အရှေ့ပြင် ဘက်ခြမ်းတွေကနေလည်း ထွက်လာတယ်၊ လူစုတယ်ဆိုရင် အဲဒီဘက်မှာ လက်နက်ကိုင်တဲ့ လုံခြုံရေးတွေ ချထားတယ်။ လုံခြုံရေးကတော့ တင်းတင်းကျပ်ကျပ်လေး ချထားတယ်”
“အရင်ရက်က ပိတ်ထားတဲ့ လမ်းတွေကိုတော့ ပြန်ဖွင့်လိုက်တာ ရှိတယ်။ အရင်တုန်းကဆို ၃၃ လမ်းတို့၊ ၃၄ လမ်းတို့ကို ပိတ်ထားတာ ရှိပေမယ့် အခုဆို ပြန်ပွင့်သွားပြီ။ ၃၅ လမ်းကိုတော့ ပိတ်ထားတုန်းပဲ။ ဘုန်းကြီးကျောင်းနား တဝိုက် စောင့်ကြည့်နေတာတွေတော့ အရင်အတိုင်းပဲ။ ဒါပေမဲ့ အရင်တုန်းကထက်စာရင် သက်တောင့်သက်သာ ရှိသွားပုံပဲ။ အေးအေးဆေးဆေးပဲ။ ဟတ်စ်ကီးတော့ တနေ့က အထိတော့ ဝဲတယ်။ မနေ့ကတော့ မကြားရတော့ဘူး”
“မနေ့က စကြားတာကတော့ ဂျီတီစီ (အစိုးရ နည်းပညာကောလိပ်) တလပိတ်တယ်လို့ ကြားတယ်။ မန္တလေးမြောက်ဘက် အိုးဘို ရွှေကျင်မှာ ရှိတဲ့ ကျောင်းလေ။ အဝေးသင်တွေလည်း ၆ လလောက် နောက်ဆုတ် လိုက်တယ်တဲ့”
နယူးဒေလီတွင် သံဃာနှင့် ကျောင်းသား စုပေါင်းဆန္ဒပြ
အိန္ဒိယနိုင်ငံ မြို့တော် နယူးဒေလီတွင် မြန်မာ ကျောင်းသားများနှင့် သံဃာတော်များမှ ပူးတွဲ ဦးဆောင်၍ အကြမ်းဖက် နအဖ စစ်အစိုးရကို ဆန့်ကျင် ရှုတ်ချသည့် ဆန္ဒပြပွဲ တရပ်ကို ယနေ့ ကျင်းပ ပြုလုပ်သည်။
မြန်မာနိုင်ငံလုံးဆိုင်ရာ ကျောင်းသားများ အဖွဲ့ချုပ်နှင့် မဇ္ဈိမ ဒေသရောက် စာသင်သား မြန်မာ သံဃာတော် ၅၃ ပါးမှ ဦးဆောင် ကျင်းပသည့် အဆိုပါ ဆန္ဒပြပွဲသို့ ဘင်္ဂလားဒေ့ရှ်၊ တိဘက်၊ မွန်ဂိုလီးယားနှင့် အိန္ဒိယ နိုင်ငံသား သံဃာ အချို့လည်း ပါဝင် တက်ရောက် လာကြကာ စုပေါင်း၍ ပရိတ်ရွတ်ဖတ်ကြသည်။ဆန္ဒပြပွဲသို့ မြန်မာ့ ဒီမိုကရေစီ အင်အားစုများမှ လူအင်အား ၂ဝဝ ကျော်လည်း ပါဝင် တက်ရောက်ခဲ့ကြပါသည်။
ရန်ကုန်မြို့အခြေအနေ
“ဒီနေ့တော့ အားလုံးက ပုံမှန်ရှိနေပေမယ့် စစ်ဆေးမှုတွေက ရှိနေတုန်းပဲ။ ရဲရော၊ စစ်တပ်တွေတော့ ရှိသေးတယ်။ ဥပမာ လူတွေ အများဆုံး သွားနေတဲ့ နေရာဖြစ်တဲ့ ဆူးလေ၊ ဘတ်စ်ကားဂိတ်၊ လှည်းတန်း၊ မြေနီကုန်းတို့မှာ အရပ်ဝတ်နဲ့ သွားနေတဲ့ လူတွေကို စစ်ဆေးတယ်။ ပိုက်ဆံအိတ်ပါရင် ဖွင့်ကြည့်တယ်။ လွယ်အိတ်ပါရင် အိတ်ကို စစ်တယ်။ ကင်မရာပါရင် ကင်မရာကို ဖွင့်ကြည့်ပြီး ဓာတ်ပုံတွေ ဘာဖြစ်လို့ တင်ထားလဲ ဆိုပြီး ယူသွားတယ်။ သိမ်းလိုက်တယ်။ နောက် သူတို့ တခုခု မသင်္ကာစရာေ တွ့ရင် အဲဒီလူကို ဖမ်းသွားတယ်။

ဆူးလေ လေးဘက်လေးတန်မှာ ချထားတဲ့ သံဆူးကြိုးကို ဒီနေ့မနက် ပြန်သိမ်းလိုက်တယ်။ ဒါပေမဲ့ အနီးပတ်ဝန်းကျင်မှာ အင်အားကတော့ ၂၅ဝ ၊ ၃ဝဝ လောက်တော့ ရှိနေတယ်”
“ရွှေတိဂုံဘက်မှာလည်း အနောက်ဘက်မုခ်မှာ ဝင်တဲ့ လူမရှိဘူး။ သူတို့ ၁၅ ယောက်လောက် စောင့်နေတယ်။ နောက် အာဇာနည်ကုန်း၊ ရွှေတိဂုံ မြောက်ဘက်မုခ်ဘက်မှာ ဆိုရင်တော့ စစ်ကား ၁၅ စီးလောက် ရှိတယ်။ စစ်သားတွေကတော့ အောက်ဆင်းတဲ့လူက ဆင်း၊ ကားပေါ်မှာ အိပ်နေတဲ့လူက အိပ်၊ ထိုင်နေတဲ့လူက ထိုင် ရှိနေကြတာတွေ့ရတယ်” “လှည့်နေတဲ့ကား ၃ စီးကလည်း ဥပမာ တောင်ဥက္ကလာဘက် ရှိတယ်ဆိုရင် အဲဒီဘက် ကိုသွား။ သာကေတဘက်ဆို သာကေတသွား။ လုံထိန်း၊ ရဲ၊ စွမ်းအားရှင် လှည့်နေတယ်လေ။ အင်အားက ၁ဝဝ လောက် ရှိမယ်” နောက်ပြီး ရန်ကုန် မြို့နယ်တိုင်းမှာ ရှိတဲ့ စာသင်တိုက်တိုင်းမှာလည်း လုံခြုံရေးတွေ ချထားတယ်။ ငွေကြာရံ ကျောင်းတိုက်မှာတော့ စစ်ကား ၃ စီး၊ ဒိုင်နာကား ၂ စီး ရှိတယ်။ အထဲမှာလည်း စစ်သား၊ ရဲ စောင့်နေကြတုန်းပဲ။
“အခု ဆန္ဒပြပွဲမှာ မပါဝင်ဘဲနဲ့ လမ်းပေါ်ကနေ ဖမ်းဆီး ခံထားရတဲ့ လူတွေကို နေရပ်လိပ်စာ၊ ဖုန်းနံပါတ်တွေ မေးပြီး အဲဒီ လူတွေရဲ့ အိမ်ကို ဖုန်းဆက်ပြီး မင်းတို့အိမ်က မောင် ဘယ်သူ၊ မ ဘယ်သူ၊ ဖမ်းဆီးထားတယ်၊ ပိုက်ဆံ ၂ သိန်းနဲ့ အာမခံပြီး လာခေါ်ပါ” ဟု သွားရောက် ထုတ်ယူခဲ့ရသူ တဦးက ပြောသည်။
မဇ္ဈိမ သတင်းဌာနမှကူးယူတင်ပြသည်။


စာတိုက်ရှေ့တွင် ရိုက်နှက်ခံရသည့်သူတဦး သေဆုံး
၂၊ ၁၀၊ ၂၀၀၇
ရန်ကုန်မြို့ဆန္ဒပြမှုများတွင် စစ်အစိုးရစစ်တပ်နှင့် ရဲတပ်ဖွဲ့ဝင်များ ရိုက်နှက်ခဲ့သဖြင့် လူနှင့် သံဃာများစွာ ထိခိုက် သေဆုံးမှုများ ရှိနေပြီး တောင်ဥက္ကလာပမှ အသက် (၃၂)နှစ်အရွယ်တဦး သေဆုံးခဲ့သည်။
လက်ရှိ ရန်ကုန်မြို့ပေါ်တွင် လူပေါင်းများစွာ ပျောက်ဆုံးနေပြီးနောက် ယခုသေဆုံးသည့်သတင်း ထွက်ပေါ်လာ ခြင်းဖြစ်သည်။
“ပြီးခဲ့သည့်လ (၂၇) ရက်နေ့က ဖြစ်တာ။ တောင်ဥက္ကလာစာတိုက်ရှေ့မှာ စစ်တပ်နဲ့ လုံထိန်း တွေက ရက်ရက် စက်စက်ကို တုတ်တွေနဲ့ ၀ိုင်းရိုက်ကြတာ၊ သူကတော့ အဲ့ဒီမှာပဲ ပွဲချင်းပြီး သေတာ”ဟု တောင်ဥက္ကလာပ မြို့ခံတဦးက ဆိုသည်။
သေဆုံးသူမှာ ကိုထွန်းထွန်းလင်း ဆိုသူဖြစ်ပြီး တောင်ဥက္ကလာပ အမှတ် (၁၃) လမ်း၊ (၇) ရပ်ကွက်၊ အိမ်အမှတ် (၁၀၆၀)တွင် အဖ ဦးစိုးဝင်း၊ အမိဒေါ်ကြီးမြင့်တို့နှင့် နေထိုင်သူဖြစ်သည်။
တောင်ဥက္ကလာပမြို့နယ်အတွင်းတွင် အချို့လူငယ်များ၊ အမျိုးသမီးများ များစွာ ပျောက်ဆုံးနေ ပြီး နေအိမ်များမှ လိုက်လံစုံစမ်းနေသော်လည်း သက်ဆိုင်ရာမှ မည်သည့် အကြောင်းပြန်ကြား ချက်မှ မပေးကြောင်း မြို့ခံတဦးက ဆိုသည်။
စစ်အစိုးရက ဖမ်းဆီးထားသူများကို ရဲတပ်ရင်းများတွင် စစ်ဆေးမှုများပြုလုပ်နေပြီး ယမန်နေ့ ညက မှော်ဘီရဲတပ် ရင်းမှ လူ (၇၀) ဦးကို လွှတ်ပေးခဲ့သည်ဟု ဆိုသည်။
“မနေ့ညက မှော်ဘီရဲတပ်ရင်း (၅) ကနေ လူ (၇၀) လောက် လွှတ်တယ်၊ အမျိုးသမီးပဲ (၂၀) ပါတယ်၊ စခန်းထဲမှာ အမျိုးသမီး (၆) ယောက် ကျန်တယ်၊ တယောက်က ဟင်္သာတက မဝါဝါကျော်လို့ ပြောတယ်”ဟု ရန်ကုန်မြို့ခံ တဦးက ဆိုသည်။
ရန်ကုန်ရှိ ကလေးဆေးရုံတွင်လည်း ဘွဲ့အမည်မသိရသည့် ခရမ်းမြို့နယ်မှ သံဃာတပါး ပျံလွန် တော်မူသည်ဆို သည့် သတင်းလည်း ကြားသိရပြီး သံဃာ့မဟာနာယကအဖွဲ့ဝင် ငွေကြာယံ ကျောင်းထိုင် ဆရာတော် ဦးရေဝတ မှာ လူဝတ်လဲမခံပဲ အင်းစိန်(GTI)ကျောင်းဝင်းအတွင်း ဆက်လက်ရှိနေကြောင်း ၎င်းက ဆက်လက်ပြော ဆိုသည်။
ရိုးမ ၃ သတင်းဌာနမှကူးယူတင်ပြသည်။

No comments:

ပြည့်စုံ © 2013. All Rights Reserved | Powered by:Blogger

Designed by:Windroidclub