October 30, 2007

အကောင်းဆုံးမြေသြဇာအဖွဲ့မှ ကြေငြာချက်

Pyae Sone | 6:59 AM |
မြန်မာပြည်သားများခင်ဗျား …. ….. …..

ကျနော်တို့ဟာဂျိုမပေါက်တာတခုကလွဲလို့ အသိမဲ့စွာနွံထဲမှာခြေထောက်နစ်ပြီး ရုံးကန်နေရတဲ့နွားတွေပါပဲ။ အစိုးရ အမည်ခံ နအဖဟာ ကျနော်တို့ကို ကြိမ်တို့။နံပါတ်တုတ်ပြ သေနတ်တွေနဲ့ခြိမ်းချောက်ပြီး သူတို့အသိုင်းအဝိုင်း ကတော့ ကျနော်တို့အားလုံးရဲ့ ဘဏ္ဌာတွေနဲ့လောကစည်းစိမ်အပြည့်အဝစံစားမှီဝဲနေတယ်။ ကျနော်တို့ပြည်သူတွေမှာတနေ့စာ ဆန်တပြည် ဖိုးရအောင် မနည်းရှာနေရတဲ့အချိန်မှာ သူတို့အသိုင်းအဝိုင်းက မြေမနင်းသားတွေလုပ်ပြီး ယစ်မူးနေကြတာကို အားလုံးအသိဖြစ်ပါတယ်။ ဒီလောက် သယံဇာတပေါကြွယ်ဝတဲ့ ကျနော်တို့နိုင်ငံမှာ ငတ်နေသူ တွေဒုက္ခရောက်နေသူတွေမရှိသင့်ပါဘူး။ ဒါပေမဲ့ရှိနေပါတယ်။ ဟိုအရင်က မြန်မာလူမျိုးဆိုတာ မွေးဖွားးချိန်မှသေဆုံးချိန်ထိ တန်ဖိုးရှိရှိနေနိုင် သေနိုင်ခဲ့ပါတယ်။အခုတော့ ကျနော်တို့ရဲ့မျက်စိ တွေကိုပိတ်။ အသိဥာဏ်ဗဟုသုတတွေကို တားဆီး အမြင်မကျယ်တဲ့မျက်ကန်း ဘဝတွေနဲ့ရှင် သန်နေကြရတယ်။ ဘယ်မှာလဲကျနော်တုိ့ရဲ့တိုးတက်မှုတွေငါတို့ရဲ့အနာဂတ်ဆိုတာတွေ ခေါင်းအေးအေးထားပြီးစဉ်းစားကြပါ။ကျနော်တို့ ဟာ ဒီလောက်ပဲသိ။ဒီ
လောက်ပဲစား။ဒီလိုမျိုးပဲသေသွားရမှာလား။ကျနော်တို့ရဲ့မျိုးဆက်တွေကို ကျနော်တို့လိုပဲ အဖိနှိပ်ခံလူတန်းစားဆိုပြီး ထားခဲ့ကြမှာလား။ညီလာခံဆိုတာဘာလဲ ဘယ်သူ့အတွက်လုပ်နေတာလဲ။ ကျနော်တို့လူထုအတွက် မဟုတ်တဲ့ ညီလာခံထောက်ခံပွဲတွေဟာ ကလေးတွေရိုက်တဲ့ ဂေါ်လီဝိုင်းလောက်စိတ်ဝင်စားစရာကောင်းပါ့မလား။ (MRTV-TO-MWD)ကလွှင့်တဲ့သတင်းတွေကိုကြည့်အုံး အပေါ်ယံပဲကောင်းတယ်။တကယ်တမ်းအတွင်းမှာတော့ပုတ်ပွနံဟောင် နေတာအား လုံးအသိပါ။အရင်ကမြန်မာဟာ သာယာလှပပြီးကမ္ဘာအဆင့်မြင့်နေရာမှာရှိခဲ့တယ်။ခု ဘယ်နေ ရာမှာရှိနေပြီလဲ။အရင်လိုကမ္ဘာအဆင့်မြင့်ဆုံးနေရာတွေမှာဆက်လက်လူတန်းစေ့နေနိုင်ဖို့ခင်ဗျားတို့ကျနော်တို့အားလုံးမှာတာဝန်ရှိတယ်ဆိုတာ သိပြီးရောပေါ့နော်။ကျနော်တို့လဲသာမာန်လူတန်းစားပါပဲ သို့သော်နေနိုင်စားနိုင်ကြပါတယ်။ ဒါပေမဲ့ကျနော်တို့ဟာမြန်မာလူမျိုး ကျနော်တို့ချစ်တဲ့တိုင်းရင်းသားတရပ်လုံးအတွက်နောင်ဖြစ်ပေါ်လာမဲ့မျိုးဆက်အားလုံး အတွက် အမှန်တရားကိုဖေါ်ထုတ်ပြီးအဖမ်းဆီးအနှိပ်စက်ခံပြီးသေသွားမယ်ဆိုတာတောင်မှနောင် ဒီနိုင်ငံမှာကျန်ခဲ့မဲ့ သူတွေအတွက်အကောင်းဆုံးမြေသြဇာအဖြစ်ကျန်ခဲ့မယ်လို့ယုံကြည်ပါတယ်။လူတန်းစေ့အခွင့်အရေးရရှိတဲ့မြန်မာနိုင်ငံ ဖြစ်စေရမယ်။ဒါကြောင့် နအဖ အလိုကျနေထိုင်ပြီးသေမှာလားနဖါးကြိုးဆွဲ ကြိမ်တို့ခံပြီးနေမှာလား။ တန်ဖိုးရှိတဲ့မြန်မာ တယောက်အနေနဲ့(သို့)လူထုအတွက်နောင်မျိုးဆက်အတွက် မြေသြဇာအဖြစ်ခံပြီး သေမှာလား ……… … …….စဉ်းစားပါ… ……… …….ဆုံးဖြတ်ပါ …… …… …… နောက်မကျသေးပါဘူး … … ……. ဘယ်လိုနည်းနဲ့မဆို
နအဖကိုရင်ဆိုင်ဖို့အသင့်ပြင်ထားပါ ……. ။
လူထုတရပ်လုံးအတွက် အစတေးခံ
( အ ကောင်း ဆုံး မြေ သြ ဇာ)

ကျော်ကျော်(တာဝန်ခံ)
အကောင်းဆုံးမြေသြဇာ

No comments:

ပြည့်စုံ © 2013. All Rights Reserved | Powered by:Blogger

Designed by:Windroidclub