တပ်မတော်အရာရှိတစ်ဦးရဲ့ နအဖစစ်တိုင်းမှူး(၄)ဦးသို့အိတ်ဖွင့်ပေးစာ
ဗိုလ်ချုပ်အောင်သန်းထွဋ်တို့နဲ့အတူ စစ်တက္ကသိုလ် တပတ်စဉ်ထဲဆင်းခဲ့တဲ့အရာရှိ တစ်ဦးဖြစ်ပါတယ်။ ပြီးခဲ့တဲ့လ (၂၉)ရက်နေ့က ပေးပို့ခဲ့တာဖြစ်သည်။
သို့…..
ဗိုလ်ချုပ်လှဌေးဝင်း၊ တိုင်းမှူး၊ ရန်ကုန်တိုင်း စစ်ဌာနချုပ်
ဗိုလ်ချုပ်သောင်းအေး၊ တိုင်းမှူး၊ အရှေ့ပိုင်းတိုင်း စစ်ဌာနချုပ်
ဗိုလ်ချုပ်မောင်ရှိန်၊ တိုင်းမှူး၊ အနောက်ပိုင်းတိုင်း စစ်ဌာနချုပ်
ဗိုလ်ချုပ်အောင်သန်းထွဋ်၊ တိုင်းမှူး၊ အရှေ့မြောက်ပိုင်းတိုင်း စစ်ဌာနချုပ်
သူငယ်ချင်းတို့ မင်းတို့ဟာ ဒို့အပတ်စဉ်(၂၀)ရဲ့အောင်မြင်တဲ့ စစ်ခေါင်းဆောင်တွေပါ ဒို့တတွေငယ်စဉ် တုန်းက သင်ပေးလိုက်တဲ့ စစ်ပညာ စာပေပညာတွေမှာ ဒို့ရဲ့ ဖြူစင်တဲ့ ပြည်သူ တွေသံဃာတွေကို ပစ်သတ်ဖို့ သင်ပေးလိုက်တာ မရှိခဲ့ပါဘူး။ တိုင်းပြည်အတွက်ဆိုတာ အဘကြီး မယ်တော်ကြီးနဲ့ သမီးတော်တွေကို အကာ အကွယ်ပေးဖို့မဟုတ်ပါဘူး။ မင်းတို့အားလုံး စစ်ရုံးချုပ်မှာနေခဲ့ကြတာပါ။ မောင်ရှိန်ကလွဲလို့ပေါ့လေ။
မင်းတို့အခု တိုင်းပြည်ခေါင်းဆောင်ဆိုတဲ့ လူအကြောင်း ကောင်းကောင်းသိကြပါတယ်။ ငါတို့ ပညာရေး ၀န်ကြီးဟောင်း ဦးသန်းအောင်ပြောဖူးတယ်။ အဘကြီးက သူ့ကိုယ်သူ သာလွန်မင်းတရားကြီးဝင်စား လာတာတဲ့ ငါဆိုလိုချင်တာ ဗိုလ်ချုပ်အရူးကြီး ခိုင်းတာကို မဟုတ်မှန်းသိလျှက်နဲ့မင်းတို့ တပည့်တွေကို ထပ်ဆင့်အမိန့်မပေး ပါနဲ့။ ဘုန်းကြီးကိုပစ်သတ်တယ်ဆိုတာ ဘာသာရေးအရ ဘယ်လိုမှခွင့်မလွှတ်ပါဘူး။ မင်းတို့အသိတရားရှိဖို့ပါ။ မင်းတို့အကြောင်း ကောင်းကောင်းသိတဲ့ သူငယ်ချင်း။
မကြာမီ ငါဆက်သွယ်ပါ့မယ်။
တဆက်တည်း အဆိုပါ တပ်မတော်အရာရှိရဲ့ ဒုဗိုလ်ချုပ်ကြီး မြင့်ဆွေဆီကို ပေးပို့ခဲ့တဲ့အိတ်ဖွင့် ပေးစာပါ။
အစ်ကိုကြီးခင်ဗျား………
စိတ်ရင်း စေတနာကောင်းပြီး ရိုးသားကြိုးစားတဲ့ လူကောင်းတဦးကို မြန်မာပြည်သူတွေ အတွက်အားကိုးတကြီး ဒီစာကိုရေးလိုက်တာပါ။ အစ်ကို့လိုဘာသာတရားကိုင်းရှိုင်းတဲ့ ပအို့ဝ်တိုင်းရင်းသား သွေးပါတဲ့ သထုံနယ်သားတယောက်ဟာ အခုလို စစ်တပ်ကသံဃာနဲ့ပြည်သူတွေကို ရက်ရက်စက်စက် လုပ်နေ တာကို ကာကွယ်ပေးဖို့ အချိန်တန်နေပါပြီ။ အဘကြီးနဲ့ အဘအေးတို့ရဲ့ အမိန့်ကိုလဲ အာခံသင့်ပါပြီ။ သူတို့နှစ် ယောက်အကြောင်းစစ်ရုံးချုပ် မှာ အကြာကြီးနေခဲ့တဲ့ အစ်ကိုအသိဆုံးပါ။
အဘနှစ်ဦးတို့ရဲ့ စစ်ဆင်ရေး လေးလပတ် အစည်းအဝေးတွေမှာ အစိတ်သားတောင် မချန်နဲ့ ဗိုလ်ထဲက ကလေးတောင်အချန်နဲ့ဆိုတဲ့ ဆောင်ပုဒ်အမိန့်ကြောင့် ရှမ်းပြည်နယ်မှာ ဒုတိယဗိုလ်ချုပ်ကြီးမောင်ဘို၊ တနင်္သာရီ တိုင်းမှာ ဗိုလ်ချုပ်သီဟသူရ စစ်မောင်၊ မွန်ပြည်နယ်၊ ကရင်ပြည်နယ်တွေမှာ ဗိုလ်ချုပ်သူရမြင့်အောင်တို့ လူတွေကို အစုလိုက်အပြုံလိုက်သတ်၊ ကလေးနဲ့ အဖွားကြီးပါမကျန် မုဒိန်းကျင့်ခိုင်း၊ မတရားပေါ်တာဆွဲ၊ ကလေးတွေကို အတင်းဖမ်း ပြီးစစ်တပ်ထဲထည့်ခဲ့တာတွေဖြစ်ခဲ့တာကို အစ်ကို ကောင်းကောင်းသိပါတယ်။ အဲဒီတုန်းက အစ်ကိုပြောခဲ့တယ်။ ငါစိတ်မချမ်းသာဘူးလို့။ အခုအချိန်က အဆိုးဆုံးအချိန်ရောက်နေပါပြီ။ အားလုံးဖြစ်စေချင် တဲ့ငြိမ်းချမ်းစွာ ဖြေရှင်းနည်းကိုလက်ခံဖို့ပါ။ အဘကြီးရူးနေတာအစ်ကိုသိပါတယ်။ အဘအေးအမြဲတမ်းမူး နေတယ်ဆိုတာလဲ အားလုံးသိပါတယ်။ အမျိုးဘာသာ၊ သာသနာကိုစောင့်ရှောက်နိုင်ပါစေ။
နိုင်ငံတော်အပေါ်သစ္စာစောင့်သိတဲ့ ညီငယ်တစ်ဦး။
ဒီဗွီဘီ မှ ကူးယူတင်ပြသည်။
No comments:
Post a Comment