May 28, 2009

ဒေါ်အောင်ဆန်းစုကြည်လွတ်မြောက်ရေး ဆန္ဒပြပွဲ

Pyae Sone | 12:16 AM |


ထိုင်းနိုင်ငံ မဲဆောက်မြို့ရှိ UNHCR ရုံးရှေ့တွင် Joint Action Commettee မှ ဦးဆောင်၍ ဒေါ်အောင်ဆန်း စုကြည် လွတ်မြောက်ရေးတောင်းဆို ဆန္ဒပြပွဲတခုကို ကျင်းပခဲ့သည်။
စက်တင်ဘာ ရွှေဝါရောင် သံဃာတော်များ ၊ JAC တွင် ပါဝင်သော အဖွဲ့အစည်းများ ၊ စက်တင်ဘာ ရွှေဝါရောင် လူငယ် အင်အားစုများ၊ တသီးပုဂ္ဂလများ စုစုပေါင်း လူအင်အား ၁၅၀ ခန့်က TK လေး အထည်ချုပ်စက်ရုံ့ရှေ့တွင် စတင် စုစည်းကြပြီး နောက် UN ရုံးရှေ့သို့ ပိုစတာများကိုင်ဆောင်ကာ၊ ကြွေးကြော်သံများ အော်ဟစ်၍ ညီညာစွာ ချီတက်သွားကြသည်။
ယူအန် ရုံးရှေ့တွင် မိနစ် ၂၀ခန့် စုရုံး၍ " ဒေါ်အောင်ဆန်းစုကြည် လွတ်မြောက်ရေး ဒို့အရေး၊ ဒေါ်အောင်ဆန်း စုကြည် ချက်ခြင်းလွတ် ၊ နိုင်ငံရေး အကျဉ်းသားများ လွတ်မြောက်ရေး ဒို့အရေး၊ စစ်အာဏာရှင် စနစ် ပြုတ်ကျရေး ဒို့အရေး ” စသည့် ကြွေးကြော်သံများ ကို ဟစ်ကြွေးခဲ့ကြသည်။
ဆန္ဒပြရခြင်းနှင့်ပါတ်သက်သော JAC ၏ သဘောထားထုတ်ပြန်ချက် မြန်မာ ၊အင်္ဂလိပ် တို့ကိုလည်းဝေငှပြီး သတင်းဌာန အသီသီး၏ မေးမြန်းချက်များကို ဖြေကြားခဲ့ကြသည်။
ယူအန်မှ အရာရှိတဦး၏ လက်သို့ JAC မှ ဒေါ်အောင်ဆန်းစုကြည် လွတ်မြောက်ရေးအတွက် အမြန်ဆုံး ဆောင်ရွက်မှုများပြုပါရန် ကုလသမဂ္ဂ အထွေထွေ အတွင်းရေးမှူး မစ္စတာ ဘန်ကီမွန်းသို့ တောင်းဆိုထားသည့် အိတ်ဖွင့်ပေးစာ ကိုပေးအပ်ခဲ့သည် ။
ထိုနောက်တွင် ကမ္ဘာမကြေသီချင်းကို သီဆို၍ ဆန္ဒပြပွဲကို လူစုခွဲ ရုတ်သိမ်းခဲ့ပါသည်။ရဲများက လာရောက် စစ်ဆေး မေးမြန်းမှုများ ပြုလုပ်ခဲ့သော်လည်း ဖမ်းဆီးမှု သတင်းများ မရှိခဲ့ပါ။

သတင်းပေးပို့သော အကောင်းဆုံးမြေသြဇာအဖွဲ့မှ တာဝန်ခံ ကိုကျော်ကျော်အား အထူးကျေးဇူးတင်ရှိပါသည်။

Continue reading ...

May 25, 2009

နော့ကယ်လိုလိုင်းနားပြည်နယ်မှ သင်္ကြန်ပွဲ

Pyae Sone | 9:16 PM |


၂၄၊၅၊၂၀၀၉(တနင်္ဂနွေနေ့)တွင် နော့ကယ်ရိုလိုင်းနားပြည်နယ် Chapel Hill မြို့ကလေးမှာကျင်းပတဲ့မြန်မာ့ရိုးရာသင်္ကြန်ပွဲလေးပါ။ Chapel Hill တစ်မြို့လုံးမှာရှိတဲ့မြန်မာမိသားစု အသိုင်းဝိုင်းရဲ့မျှော်လင့်တကြီးစောင့်ဆိုင်းနေတဲ့ နေ့လေးတစ်ရက်ပေါ့။ တစ်နှစ်မှာမှတကြိမ်ပြုလုပ်ခွင့်ရတဲ့ မြန်မာ့ချစ်စရာရေသဘင်နှစ်သစ်ကူးလေးမှာ
မြန်မာတိုင်းရင်းသားအစုံအလင် လာရောက်ပျော်ပါးပြီးမြန်မာ့ရိုးရာအမွေနှစ် ဆက်လက်ထိန်းသိမ်းတဲ့ပွဲလေးကို အောင်မြင်စွာကျင်းပနိုင်ခဲ့တယ်။ အဓိကရည်ရွယ်ချက်ကတော့ကမ္ဘာမှာမြန်မာဟာမြန်မာပါပဲ
ဘယ်နေရာ ဘယ်ဒေသတွေပဲရောက်နေရောက်နေ ကိုယ့်လူမျိုးတွေရဲ့ရိုးရာမပျက်တဲ့ယဉ်ကျေးမှုလေးကို နောင်ပြည်ပမှာကြီးပြင်းလာမယ့် မျိုးဆက်သစ်လေးတွေကို လက်ခံသိရှိဆက်လက်ထိန်းသိမ်းကျင်းပ သွားနိုင်အောင်ကျင်းပပေးတဲ့ပွဲလေးပါ။လူမျိုးပေါင်းစုံကြားထဲမှာမြန်မာလူမျိုးတွေရဲ့ ယဉ်ကျေးမှုစည်းလုံးမှုစိတ်စေတနာကောင်းတွေကိုပြချင်တဲ့ပွဲလေးပါ အခြေနေအကြောင်းကြောင်းကြောင့် အမေရိကန်ရောက်နေပေမယ့်မြန်မာလူမျိုးတွေရဲ့စိတ်ထဲမှာကိုယ်လူမျိုး ကိုယ့်ယဉ်ကျေးမှုကိုအမြဲထိန်းသိမ်းတယ်ဆိုတာ လာရောက်ကြည့်ကြတဲ့အမေရိကန်လူမျိုးတွေ
နားလည်လက်ခံအောင်၊ ပြည်နယ်အသီးသီးမှာရောက်ရှိနေတဲ့ အသိမိတ်ဆွေတွေနဲ့ပြန်လည်ဆုံဆည်းကျင်းပတဲ့ ဆုံဆည်းပွဲလေးလည်းဖြစ်တယ်။
သင်္ကြန်မှာ မြန်မာရိုးရာသင်္ကြန်သီချင်း ရိုးရာအက ရိုးရာအစားအစာ တွေကိုလာသမျှဧည့်ပရိတ်သတ်အားလုံးကို စတုဒီသာ ကျွေးမွေးပြီး ဖျော်ဖြေ ဧည့်ခံသွားပါတယ်။ တစ်နှစ်လုံးစိတ်ရောကိုယ်ပါမောပန်းခဲ့သမျှကို သင်္ကြန်ရေစင်အေးနဲ့တစ်ယောက်ကိုတစ်ယောက် ပတ်ဖြန်းပြီးဘဝအမောတွေကို ဖြေဖျောက်တဲ့ပွဲလေးဆိုလည်းမမှားဘူးပေါ့။ အဲဒီအချိန်မှာပဲ သဘာဝတရားကြီးကလည်းကောင်းချီးပေးတဲ့အနေနဲ့ သင်္ကြန်မိုးလေးပတ်ဖြန်းသွားခဲ့တယ်….။

Continue reading ...

May 19, 2009

နိုင်ငံရေးဆိုတာ လူတိုင်းနဲ့ဆိုင်တယ်

Pyae Sone | 12:28 AM |


နိုင်ငံရေးဆိုတာ လူတိုင်းနဲ့ဆိုင်တယ်

တချို့က နိုင်ငံရေးဆိုတာ နိုင်ငံရေးပါတီတွေလုပ်တဲ့အလုပ်လို့ထင်တယ်။ မဟုတ်ပါဘူး တခါတုန်းက ဖေဖေက ပြောဘူးပါတယ် နိုင်ငံရေးဟာ ကိုယ်နဲ့မဆိုင်ဘူုးထင်ပေမယ့် နိုင်ငံရေးဟာ ကိုယ့်ဆီရောက်လာလိမ့်မယ်၊ ဒါရှောင်လို့မရဘူး၊ ဒါဘာဖြစ်လို့လဲဆိုတော့ ဒီနိုင်ငံတွင်းမှာ ဖြစ်နေတဲ့ ကိစ္စမှန်သမျှဟာ နိုင်ငံရေးဘဲ။ ရှောင်လို့မရဘူးနော်။ စီးပွားရေးဆိုတာလည်း နိုင်ငံရေးဘဲ။ လူမှုဆိုတာလည်း နိုင်ငံရေးဘဲ။ ဘာမဆို နိုင်ငံရေးဘဲ ဒါကြောင့်မို့လို့ ပြည်သူလူထုဟာ နိုင်ငံရေးကျွမ်းကျင်မှ ဒီနိုင်ငံဟာ တိုးတက်မှာပါ။ ပြည်သူလူထုဟာ နိုင်ငံရေး မကျွမ်းကျင်ဘူး နိုင်ငံရေးအသိမရှိဘူးဆိုလို့ရှိရင် နိုင်ငံတစ်နိုင်ငံတိုးတက်ဖို့ ဆိုတာဘယ်လိုမှ မဖြစ်နိုင်ပါဘူး။ အဲဒီတော့ ကိုယ့်ရဲ့မိသားစု၊ ကိုယ်တစ်ဦးတယောက်နဲ့ပါတ်သတ်တဲ့ကိစ္စတွေကိုဘဲ စိတ်ဝင်စားမယ်ဆိုလို့ရှိရင် ကျမတို့ နိုင်ငံကိုအကျိုးပြုနိုင်မယ့်ပြည်သူပြည်သားတွေဆိုတာတော့ ဖြစ်လာနိုင်မှာလဲမဟုတ်ပါဘူး။ အဲဒီတော့ ကိုယ့်ရဲ့ မိသားစုနဲ့ ကိုယ်တစ်ဦးတယောက်ကောင်းကျိုးအတွက်ဘဲ မစဉ်းစားပါနဲ့၊ အဲဒီလိုစဉ်းစားလို့ရှိရင် ရေရှည်မှာ ကိုယ့်အကျိုးလဲမဖြစ်လာနိုင်ပါဘူး။ ကျမတို့တယောက်နဲ့ တယောက် ညီညီညွတ်ညွတ်နဲ့ လက်တွဲမှသာလျှင် ကျမတို့ နိုင်ငံဟာ တိုးတက်နိုင်မှာပါ။

ကုန်ဈေးနှုန်းတက်တာသိရင် နိုင်ငံရေးသိပါတယ်

ကျမတို့နိုင်ငံတိုးတက်အောင်လုပ်ဖို့ဆိုတာဟာ လူတိုင်းလူတိုင်းရဲ့ တာဝန်ဖြစ်ပါတယ်။ ပြည်သူပြည်သားအားလုံးမှာ တာဝန်ရှိတယ်ဆိုတာကိုနားလည်ရပါလိမ့်မယ်။ တချို့ကပြောတယ် ကျနော်တို့ ကျမတို့ဟာ နိုင်ငံရေးနားမလည်ဘူး၊ နားမလည်လို့ရှိရင် ကုန်ဈေးနှုန်းတက်တယ်ဆိုရင် သိပါသလား။ အဲဒါနိုင်ငံရေးဘဲ၊ ဘာဖြစ်လို့ ကုန်ဈေးနှုန်းတက်တာတော့သိပြီး နိုင်ငံရေးနားမလည်ဘူးလို့ပြောနေရတာလဲ။ အဲဒါ ကျမ အခြေခံကိစ္စတခုကိုပြောနေတာနော် ဘယ်သူမှရှောင်လို့မရတဲ့ ကိစ္စတခုကိုပြောတာ။ ဒါကြောင့်မို့လို့ နိုင်ငံရေးဆိုတာ မီးဖိုချောင်ထဲအထိရောက်တယ်လို့ပြောတာဟာ ဒါပဲ။ ဒီတော့ မီးဖိုချောင်ထဲမှာ ထိုင်နေတဲ့ အိမ်ရှင်မများတောင် နိုင်ငံရေးနားလည်ရမယ်။ အိမ်ရှင်မများဟာ နိုင်ငံရေးနားမလည်ဘဲနဲ့ ရုံးသွားတဲ့အခါမှာ ညည်းလို့ရှိရင် ကျမတို့က မကြိုက်ဘူုး။ နိုင်ငံရေး နားမလည်ဘူးလို့တော့ပြောတယ်၊ ဈေးသွားတဲ့အခါမှာ ကုန်ဈေးနှုန်းဖြင့်တော့ သိပ်ပြီးတော့ဈေးတက်တာဘဲဆိုတာ၊ ဒါ ညည်းတာဆိုတာတော့ သိပ်ပြီးတော့ မဟုတ်သေးဘူး။ အဲဒီတော့ နှစ်ခုလုံးကို နားလည်ရမယ်။ ကိုယ့်ရဲ့ ဘ၀ရဲ့ပြဿနာတွေကို နားလည်သလို၊ ကိုယ့်နိုင်ငံရဲ့ ပြဿနာတွေကို နားလည်ရမယ်။ ကိုယ့်ဘ၀ပြဿနာတွေဟာ ကိုယ့်နိုင်ငံရဲ့ ပြဿနာနဲ့ ဆက်နွယ်နေတယ်ဆိုတာ ကျမတို့ အားလုံးသဘောပေါက်ဖို့ လိုပါတယ်။

ဒေါ်အောင်ဆန်းစုကြည်၏ မိန့်ခွန်းကောက်နှုတ်ချက်များမှ
Continue reading ...

May 06, 2009

ကျေးဇူးအထူးတင်ရှိပါကြောင်း

Pyae Sone | 3:53 PM |
ပို့စ်ကွန်မန့်မှာရော စီဘောက်မှာပါ အားပေးစကားပြောကြားပြီး ထပ်တူခံစားပေးကြသော

ထပ်တူထပ်မျှ ကြေကွဲခံစားပေးတဲ့ ၀သန်မိုး၊ ဘ၀ဆက်တိုင်း မိသားစုနဲ့ ဝေးကွာခြင်းမှ ကင်းဝေးပါစေလို့ ဆုတောင်းပေးသော မကြီး မေတ္တာရောင်ပြန်၊ ထပ်တူခံစားပေးသော Ree Noe၊ ဘ၀တူတွေမို့ ထပ်တူစိတ်မကောင်းဖြစ်ပြီး အဆက်အသွယ် မပြတ်စေရန် အားပေးသော အမနန်းဝါ၀ါမောင်၊ အဝေးရောက်နေကြတဲ့ သားသမီးတွေအတွက် အရမ်းကြေကွဲစရာကောင်းပါတယ်ဆိုပြီး ထပ်တူထပ်မျှ ခံစားပေးသော Anonymous၊ အခုလို အဖြစ်ဆိုးတွေမှ ကင်းဝေးပါစေလို့ ဆုတောင်းပေးသော အစ်ကိုအိမ်၊ သင်္ခါရတရားတွေအတွက် အသိတရား၊ မေတ္တာတရား ရေစဉ်တွေနဲ့အတူ ၀မ်းနည်းဆွေးပူမှုတွေကို ငြိမ်းချမ်းစွာနဲ့ လက်ခံနိုင်ဖို့ ဆုတောင်းပေးသော ညီမလေးKhinmarlaraung၊ သေပြီးသူအား သာဓုအပြည့်အ၀ခေါ်နိုင်ရန်အတွက် ပစ္စည်းလေးပါး လှူဒါန်းပေးဖို့ပြောကြားပေးသော အမညခင်း၊ ထပ်တူထပ်မျှခံစားပေးသော သူငယ်ချင်းhtike၊ အသက်ရှင်နေသရွေ့ကောင်းမှုကုသိုလ်လုပ်ပေးပါလို့ ထပ်တူ ၀မ်းနည်းကြေပေးသော ကိုဖြိုးဇာနည်၊ ကျနော့်အတွက် စိတ်မကောင်းဖြစ်ပြီးဖေဖေအတွက် ကောင်းရာသုဂတိလားပါစေလို့ ဆုတောင်းပေးသော ကိုမြစ်ကျိုးအင်း၊ အဝေးရောက်သားသမီးတွေအတွက် ဘယ်လောက်ခံစားရမယ်ဆိုတာ ကိုယ်ချင်းစာရင်း အလှူအတန်းလုပ်အမျှဝေပေးဖို့ နားလည်ခံစားပေးသော မနွေးနေခြည်၊ ကျန်မာရေးဂရုစိုက်ဖို့ ပြောသောညီမဝေလေး၊ စိတ်မကောင်းမဖြစ်ဖို့ အားမငယ်ဖို့ ဖေဖေမရှိတော့ပေမယ့် မေမေရှိသေးကြောင်းပြောရင်း ဆုတောင်းပေးသွားသော မမေဒီဇာ၊ မေမေအတွက် အသက်ရှည်ကျန်းမာစေဖို့ ဖေဖေအတွက် ကောင်းကင်နိုင်ငံရောက်ပါစေလို့ ဆုတောင်းပေးသော ညီမchitpalone....

စီဘောက်မှာ အားပေးစကားပြောကြားပြီး ထပ်တူခံစားပေးကြသော

ညီလေးရေ မင်းရဲ့ အဖေ မြန်မာပြည်မှာ ဆုံးသွားတာကို သိလိုက်ရတဲ့အတွက် ညီလေးနဲ့အတူတူ ထပ်တူထပ်မျှ ၀မ်းနည်းရပါတယ်နော်။ လုံးဝ စ်ိတ်မကောင်းဘူးကွာ ။ အဲဒါ ငါတို့တော်လှန်ရေးသမားတွေရဲ့ ပေးဆပ်မှု့တွေပဲပေါ့ညီရာ နော်။ လို့ထပ်တူကြေကွဲပေးသော ကိုကျော်ကျော်(အကောင်းဆုံးမြေသြဇာ)၊ ပထမဆုံးလာလည်ဖူးပြီး စိတ်မကောင်းဖြစ်ခဲ့ရပါတယ်ဆိုပြီး ပျော်ရွှင်ပါစေလို့ ဆုတောင်းပေးသွားသော ပန်းကလေး၊ ကိုယ်လုပ်တဲ့ ကောင်းမှုကုသိုလ်တိုင်းကို အဖေက်ု သတိတရနဲ့ အမျှပေးပါနော်လို့ပြောကြားအားပေးသော အမ မအေးမွန်...

အီးမေးလ်မှတဆင့် အားပေးစကားပြောပြီး ဆုတောင်းကြသော သူငယ်ချင်း ညီအစ်ကိုမောင်နှမများအားလုံးကို အထူးကျေးဇူးတင်ရှိပါတယ်... ပေးတဲ့ဆုနဲ့ ပြည့်ပါစေလို့....

ရောက်ရာဘုံဘ၀ကနေ သာဓုခေါ်သံကြားနိုင်ပါစေ ဖေဖေ ...

ပြည့်စုံ (ဝေါသားလေး)
Continue reading ...

May 04, 2009

အဖေကောင်းရာသုဂတိလားပါစေ...

Pyae Sone | 10:23 PM |
အဖေ သားကိုမေးသွားတယ်နော်… သားဖြေသိမ့်မရဘူးအဖေရယ်… ဒီနေ့ဆို အဖေ ဆုံးတာ တစ်လပြည့်ပြီနော်…
သားကိုယ်သား သိနေသလိုပဲအဖေရယ်… စိတ်တွေလေးနေတယ်… ဘာလုပ်လုပ်အဆင်မပြေဘူးဖြစ်နေတယ်… အားလုံးက အလွဲလွဲအချော်တွေချည်းပဲ… သားအိမ်ကို အရမ်းသတိရနေတယ်… ဆက်သွယ်ချင်ပေမယ့် မြန်မာပြည်ရဲ့ ဆက်သွယ်မှု ကွန်ယက်တွေကြောင့် ဘယ်လိုမှ အဆက်အသွယ်မရဘူး… နောက်ညီဝမ်းကွဲတစ်ယောက် ပြောတယ်… အခုဆက်လို့ရပြီတဲ့ အော်တိုတွေဆင်လိုက်ပြီတဲ့ သားဝမ်းသာလိုက်တာ အဲဒီသတင်းကြားတော့လေ… သားဖုန်းဆက်တော့ ဘယ်လိုမှ ခေါ်မရဘူး.. ဖုန်းလိုင်းတွေက ပြတ်တောက်ပြတ်တောက်ဖြစ်နေတာ… အဲဒါနဲ့ ကျနော့်ကိုအရမ်းခင်တဲ့မန္တလေးက အမတစ်ယောက်က မောင်လေးဘာမှ မပူပါနဲ့တဲ့ သူဆက်သွယ်ပေးမယ်တဲ့… သူဆက်သွယ်ပေးခဲ့တယ်… အဲဒါနဲ့ ကျနော်အဆက်အသွယ်ရခဲ့တယ်… ၀မ်းသာစရာပေါ့ဗျာ.. အဒေါ်အိမ်မှာ အော်တိုဖုန်းရှိတယ်တဲ့.. အဲဒီကိုဆက်ပါတဲ့… အဲဒီသတင်းကြားတော့ဝမ်းသာလိုက်တာ… ငါခဏခဏဆက်လို့ရပြီဆိုပြီး အဲဒါနဲ့ မန္တလေးက အမက သူဆက်သွယ်ပေးတယ် ကျနော်ဆက်မယ် ဖုန်းစောင့်နေပါဆိုပြီး အိမ်ကိုလှမ်းဆက်သွယ်ပေးတယ်… ကျနော့်ဘ၀ရဲ့ အမှတ်တရနေ့ပေါ့…. ဧပြီလ ၂၄ရက်နေ့ကပေါ့… အမေ့ကိုခေါ်ပေးပါလို့ကျနော်ပြောတော့ ကျနော့်အစ်ကိုဖြစ်နေတယ်…သူက ညီမင်းနေကောင်းလားတဲ့ အမေရန်ကုန်သွားတယ်ညီမလေးရောပါသွားတယ်... မင်းကိုငါတို့ဆက်သွယ်တာ ဘယ်လိုမှ ဆက်လို့မရဘူး… မင်းအဆင်ပြေလားတဲ့ အေးငါအားလုံးအဆင်ပြေတယ် ငါလည်းဆက်သွယ်တာ ဘယ်လိုမှ ဆက်သွယ်လို့မရဘူး ငါအိမ်ကို အခုတလော အရမ်းသတိရတယ်ကွာလို့ ကျနော်ပြောတော့သူ ၀မ်းနည်းသံကြီးနဲ့ သူပြန်ပြောတယ်… မင်းကိုငါပြောစရာရှိတယ်.. ငါပြောမယ်နော်တဲ့ မင်းဘာမှ စိတ်မကောင်းမဖြစ်ပါနဲ့… စိတ်ခိုင်ခိုင်ထားနော်တဲ့… အေးပါ ငါဘာမှ မဖြစ်ပါဘူး… မင်းရောနေကောင်းလားဆိုတော့ အေးကောင်းပါတယ်…ငါပြောမယ်နော်တဲ့.. အဖေဆုံးပြီ ဒီလ (၅)ရက်နေ့တနင်္ဂနွေနေ့ မနက်(၄)နာရီက မင်းကိုဖုန်းဆက်တာဆက်လို့မရဘူး အဖေက သူမဆုံးခင်မှာ မင်းကိုပဲမေးနေတယ်… အဲဒါနဲ့မင်းကိုဆက်သွယ်တာဘယ်လိုမှ ဆက်မရဘူး.. မင်းကလည်း မဆက်သွယ်တော့ ဘယ်လိုမှ ဆက်သွယ်မရဘူးဖြစ်နေတာ… မင်းဘာမှ စိတ်မကောင်းမဖြစ်ပါနဲ့ သေသွားပြီပဲ မင်းလည်း အဖေ့အတွက် ဆုတောင်းပေးပေါ့တဲ့… အစ်ကို ငါနေ့တိုင်းဆုတောင်းတယ် ညတိုင်းဘုရားရှစ်ခိုးတိုင်းပေါ့ ငါအရမ်းဝမ်းနည်းကွာ… ငါဘယ်လိုဖြေသိမ့်ရမလည်းကွာ… မင်းသိတဲ့အတိုင်း ငါတို့ခွဲခွာခဲ့တာ အခုဆို ၅ နှစ်ပြည့်တော့မယ်… အဖေနဲ့ စကားတစ်ခါမှ ကောင်းကောင်းမပြောဖြစ်ခဲ့ဘူး… အခုအဆက်အသွယ်ရတော့ အဖေဆုံးပြီဆိုတော့ ငါဘယ်လိုဖြေသိမ့်ရမလည်းကွာ… အမေဘယ်တော့လောက်ပြန်လာမလည်းဆိုတော့ တစ်ရက်နှစ်ရက်လောက်နေရင်ပြန်လာမယ် အိုကေ အဲဒါဆို နောက်နေ့ငါဖုန်းထပ်လိုက်မယ်.. အမေ့ကိုပြောလိုက်နော်…
ကံကြမ္မာကလည်း ရင်နာချင်းတွေပဲ ပေးခဲ့တယ်… နောက်…ကျနော်ဖုန်းထပ်ဆက်တော့ အမေနဲ့ဆုံတယ်… သားအခုနေကောင်းလားတဲ့ ကျန်းမာရေးဂရုစိုက်နော်တဲ့… သားဘယ်လိုခံစားရမယ်ဆို အမေသိပါတယ် ဒါပေမယ့်သားရယ် ဘယ်တတ်နိုင်မလည်း ဖြစ်သွားကြပြီဘဲ… ဆုတောင်းပေးပေါ့သားဖေဖေကို ကောင်းရာသုဂတိလားပါစေလို့တဲ့…. အခု တလပြည့်အတွက် အမေတို့လုပ်မယ် သားအဲဒီကနေ အမျှဝေပေးပါ ညနေ(၅)နာရီလောက်မှာ ဘုန်းကြီးတရားနာမယ် သားဖုန်းဆက်နော်တဲ့…

အကုသိုလ်က ၀င်လာရင် အပေါင်းအဖော်ပါ ပါလာတတ်တယ်တဲ့ ကျနော့်အတွက်တော့ ဆွေမျိုးတွေပါပါတယ်ဗျာ… နောက်တစ်ရက်ဖုန်းထပ်ဆက်တော့ အမေ မရှိဘူးတဲ့ နင့်အန်တီအိမ်မှာတဲ့.. ဘာဖြစ်လို့လည်း မေးတော့ နင့်အစ်ကို ၀မ်းကွဲဆုံးပြီညကဘဲ.. ကားကားချင်းတိုက်တာတဲ့… ပွဲချင်းပြီးဘဲကြားရတဲ့သတင်းတွေကလည်းတစ်ခုမှ မကောင်းဘူး…. သူဆုံးတာ ၂၉ ရက်နေ့ သူ့ရက်လည်ဆွမ်းကျွေးက အဖေတစ်လပြည့်တဲ့နေ့နဲ့တိုက်ဆိုင်နေတယ်…. ၀မ်းနည်းစရာအဖြစ်အပျက်တွေချည်းပဲ… ၀ဋ်ကြွေးရှိခဲ့ရင် ဒီဘ၀မျှနဲ့ကြေပါစေလို့ဆုတောင်းပါတယ်….

အဖေ…ကောင်းရာသုဂတိလားပါစေအဖေ …. ဘ၀ဆက်တိုင်းဆက်တိုင်း… ကွေကွင်းခြင်းတွေနဲ့ ကင်းဝေပါစေအဖေ…. သားဘုရားရှစ်ခိုးရင်တောင်အခုသားပြောင်းပြီးရှစ်ခိုးနေရပြီအဖေ… အရင်က သားဘုရားရှစ်ခိုးတိုင်း အဖေကျန်းမာပါစေကိုယ်စိတ်နှစ်ပါးအေးချမ်းပါစေ အမေလည်းကျန်းမာပါစေ ကိုယ်စိတ်နှစ်ပါး အေးချမ်းပါစေ… အခုတော့ အဖေကောင်းရာသုဂတိလားပါစေလို့ ပြောင်းပြီးရှစ်ခိုးနေရပြီ…

အစ်ကိုရေ…. ကောင်းရာသုဂတိလားပါစေ… ဘ၀ဆက်တိုင်း ဒီလို အဖြစ်မျိုးနဲ့ကင်းဝေးပါစေ….

မိသားစုနဲ့ အဆက်အသွယ်ရအောင်ကူညီပေးခဲ့ကြသော ကိုကျော်ကျော်( အကောင်းဆုံးမြေသြဇာ)၊မန္တလေးမှအမ (မန္တလာသူ)ရန်ကုန်မှ ညီမ ဒါလေး၊ ညီလေး ချန်တူးဝမ် တို့အား အထူးကျေးဇူးတင်ရှိပါတယ်...။

ပြည့်စုံ
Continue reading ...

ပြည့်စုံ © 2013. All Rights Reserved | Powered by:Blogger

Designed by:Windroidclub