February 11, 2008

(၉၃)နှစ်ပြည့် ဗိုလ်ချုပ်မွေးနေ့

Unknown | 9:07 PM |
ဓါတ်ပုံကို ဤနေရာမှ ယူပါသည်။

ဖေဖော်ဝါရီလ(၁၃)ရက်နေ့တွင်ကျရောက်သော(၉၃)နှစ်ပြည့်အာဇာနည်ခေါင်းဆောင်ကြီး ဗိုလ်ချုပ်အောင်ဆန်း၏မွေးနေ့အားအောက်မေ့သတိရ ဂုဏ်ပြုသောအားဖြစ် ဗိုလ်ချုပ်အောင်ဆန်း၏ ရက်စွဲလွန်ဒိုင်ယာရီအားအကျဉ်းချုပ်တင်ပြလိုက်ပါသည်။

ဗိုလ်ချုပ်အောင်ဆန်းသည် သူ့ကျွန်မခံလိုသူ ဦးမင်းရောင်၏မြေးဖြစ်သည်။

၁၉၁၅ ။ ။ ဖေဖော်ဝါရီလ (၁၃)ရက်၊ ၁၂၇၆ခုနှစ် တပေါင်းလဆန်း ၁ ရက်၊ စနေနေ့တွင် တောင်တွင်းကြီးခရိုင် နတ်မောက်မြို့၌ အမိန့်တော်ရရှေ့နေကြီးဦးဖာ+ဒေါ်စုတို့မှ နောင်တခေတ်တွင် ဗိုလ်ချုပ်အောင်ဆန်းဟူ၍ မြန်မာ့သမိုင်း၌တွင်စေမည့် သားရတနာကို ဖွားမြင်ခဲ့သည်။ ဗေဒင်ဆရာက ဇာတာတွင် ထိန်လင်းဟုအမည်ရေးသော် အစ်ကို အောင်သန်းအမည်နှင့်လိုက်ရန် အောင်ဆန်းဟုရေးထွင်ခဲ့သည်။

၁၉၂၂ ။ ။ အသက်(၇)နှစ်တွင် ဆရာတော်ဦးသောဘိတ ကျောင်းတွင်နေခဲ့သည်။
၁၉၂၈ ။ ။ ရေနံချောင်းမြို့ အမျိုးသားအထက်တန်းကျောင်းသို့ပြောင်း၍ နေခဲ့သည်။
၁၉၃၀ ။ ။ သတ္တမတန်းအောင်သည် စကောလားရှစ်ရ၍ ဦးရွှေခိုဆုရသည်။ တလလျှင်(၁၀)ဖြင့် သုံးနှစ်အတွက် စကောလားရှစ်ရသည်။
၁၉၃၂ ။ ။ ရေနံချောင်းမြို့ အမျိုးသားအထက်တန်းကျောင်းမှ ဆယ်တန်းအောင်သည်။ ရန်ကုန်တက္ကသိုလ်သို့ရောက်သည်။
၁၉၃၄ ။ ။ ဥပစာတန်း စာမေးပွဲအောင်သည်။(စာမေးပွဲ အခုံအမှတ် - ၂၃၁) တကသ အမှုဆောင်ရွေးကောက်ပွဲဝင်ရာ၌ရှုံးသွားသည်။
၁၉၃၅-၃၆ ။ ။ တကသအမှုဆောင်ရွေးကောက်ပွဲဝင်ရာ အရွေးခံရသည်။ အိုးဝေမဂ္ဂဇင်းအယ်ဒီတာအဖြစ်ဆောင်ရွက်သည်။ ထိုသို့ ဆောင်ရွက်စဉ် အိုးဝေမဂ္ဂဇင်းတွင် “ခွေးသရမ်းကြီးလွတ်နေသည်။” (Hell Hound Atlarge) ဆောင်းပါးရေးသူကို ထုတ်ဖေါ်မပြော၍ တက္ကသိုလ်မှ ကျောင်းထုတ်ခြင်းခံရသည်။
၁၉၃၆ ။ ။ တကသ ဒုဥက္ကဌအဖြစ် အရွေးခံရသည်။ ရန်ကုန်မြို့ ဂျူဗလီဟောခန်းမတွင်ကျင်းပသည့် ဗမာနိုင်ငံလုံးဆိုင်ရာ ကျောင်းသားများညီလာခံ၌ မိန့်ခွန်းပြောကြားသည်။
၁၉၃၇ ။ ။ အင်္ဂလိပ်စာပေ၊ ဥရောပ ရာဇ၀င်၊ နိုင်ငံရေးဗေဒဘာသာရပ်များဖြင့် ၀ိဇ္ဇာတန်းအောင်သည်။ (စာမေးပွဲ ခုံအမှတ် ၅၆)
၁၉၃၇ ။ ။ ရန်ကုန်တက္ကသိုလ် ပဲခူးဆောင် သဟာယနှင့်စာဖတ်အသင်းဥက္ကဌအဖြစ် ဆောင်ရွက်ခဲ့သည်။ ပဲခူးဆောင်အခန်းအမှတ် (၁၁၃)တွင်နေထိုင်ခဲ့သည်။
၁၉၃၈ ။ ။ ဥပဒေသင်ကြားရာမှလည်းကောင်း၊ မြန်မာနိုင်ငံလုံးဆိုင်ရာ ကျောင်းသားသမဂ္ဂ အသင်းကြီး၏ဥက္ကဌရာထူးမှလည်းကောင်းနှုတ်ထွက်သည်။ အင်္ဂလိပ်ဘာသာဖြင့်ထုတ်ဝေသော နယူးဘားမားသတင်းစာအယ်ဒီတာအဖွဲ့တွင် ခေတ္တ၀င်ရောက်လုပ်ကိုင်သည်။ပထမဆုံးတက္ကသိုလ်ကျောင်းသားကိုယ်စားလှယ်ကောင်စီဝင်အဖြစ် တင်မြှောက်ခြင်း ခံရသည်။
အောက်တိုဘာလတွင် သခင်ကိုယ်တော်မှိုင်း ဦးဆောင်သော တို့ဗမာအစည်းအရုံးသို့ ၀င်ရောက်၍ သည်။
၁၉၃၈-၃၉ ။ ။ တကသ ဥက္ကဌအဖြစ် ဆောင်ရွက်ခဲ့သည်။
၁၉၃၉ ။ ။ ဇန်န၀ါရီလတွင် လုံခြုံရေးအက်ဥပဒေဖြင့် (၁၅)ရက်ဖမ်းဆီးထောင်ချခြင်းခံရသည်။

၁၉၃၉ ။ ။ ဧပြီလ ၆ ရက်နေ့မှ (၉)ရက်နေ့အထိကျင်းပသော မော်လမြိုင်ညီလာခံတွင် အတွင်းရေးမှူးအဖြစ် တာဝန်ခံဆောင်ရွက်သည်။ သြဂုတ်လ(၁၃)ရက် ရန်ကုန်ရေကျော်ရပ် တို့ဗမာအစည်းအရုံးတည်ရာဌာန၌ သခင်အောင်ဆန်း၊သခင်လှဖေ၊ ကိုသိန်းဖေ၊ ကိုဗဟိန်း၊ မစ္စတာ ဒက္ကားတို့သည် တို့ဗမာအစည်းအရုံးအတွင်းတွင် ကွန်မြူနစ်ပါတီကို လျှို့ဝှက်စွာ တည်ထောင်ဖွဲ့စည်းပြီး သခင်အောင်ဆန်းက အထွေထွေအတွင်းရေးမှုအဖြစ် တာဝန်ယူခဲ့သည်။ စက်တင်ဘာလ(၁)ရက် ဒေါက်တာဘမော်အိမ်၌ကျင်းပသော အစည်းအဝေး၌ ဗမာ့ထွက်ရပ်ဂိုဏ်း၏ အတွင်းရေးမှူးအဖြစ် တင်မြှောက်ခြင်းခံရသည်။ နိုဝင်ဘာလ(၁၈)ရက်နေ့တွင် မြေအောက်တော်လှန်ရေးဗဟိုအဖွဲ့ကို စတင်တည်ထောင်ဖွဲ့စည်းရာ၌ သခင်အောင်ဆန်းကို ပြည်ပခေါင်းဆောင်အဖြစ် ရွေးချယ်တင် မြှောက်ကြသည်။

၁၉၄၀ ။ ။ ဇွန်လ(၂၉)ရက်တွင် ဟင်္သာတခရိုင်ရာဇ၀တ်ဝန်မစ္စတာဇေးဗီးယားက ဇွန်လ(၁) ရက်နေ့တွင် ဇလွန်မြို့၌ ချင်းတောင်အကြောင်းဟောပြောမှုဖြင့် သခင်အောင်ဆန်းကို ဖမ်းရန် ၀ရမ်းထုတ်ခဲ့သည်။ သြဂုတ်လ(၈)ရက်တွင် သခင်လှမြိုင်နှင့်အတူ ဟိုင်လီအမည်ရှိသော သင်္ဘောဖြင့် ဗမာပြည်မှ တရုတ်ပြည်သို့လျှို့ဝှက်စွာ ထွက်ခွာသွားသည်။ သြဂုတ်လ(၂၄)ရက်နေ့တွင် တရုတ်ပြည်အမွိုင်မြို့သို့ရောက်သည်။ နိုဝင်ဘာလ(၁၂)ရက်နေ့တွင် ဂျပန်ပြည် တိုကျိုမြို့သို့ရောက်သည်။

၁၉၄၁ ။ ။ မတ်လ (၃)ရက်နေ့တွင် ရုပ်ဖျက်ပြီး ဗမာပြည်သို့ပြန်လာသည်။ မတ်လ(၉)ရက်နေ့တွင် ရဲဘော်သုံးကျိပ်ထဲမှ ပထမအသုတ်လူငယ်တစုကို တပါတည်းလျှို့ဝှက်စွာခေါ်ပြီး ဂျပန်ပြည်သို့ပြန်ထွက်သွားသည်။
မတ်လ(၂၇)ရက် ဂျပန်ပြည်တိုကျိုမြို့သို့ပြန်လည်ဆိုက်ရောက်သည်။
နိုဝင်ဘာလတွင် ၀ရမ်းပြေးနေရစဉ် တက္ကသိုလ်အုပ်ချုပ်ရေးအဖွဲ့မှ နှုတ်ထွက်သည်။
ဒီဇင်ဘာလ(၂၇)ရက်စနေနေ့ည ၁း၀၀နာရီအချိန်တွင် ယိုးဒယားပြည် ဘန်ကောက်မြို့ရှိ မျိုးချစ်ပုဂ္ဂိုလ်ကြီး ဦးလွန်းဖေ၏ နေအိမ်တွင် ဘီအိုင်အေခေါ် ဗမာ့လွတ်လပ်ရေးတပ်မတော် စတင်ဖွဲ့စည်းပြီး လက်မောင်းသွေးဖောက်သောက်ကြသည်။

၁၉၄၂ ။ ။ ဇန်န၀ါရီလ၊ (၁)ရက်နေ့တွင် အင်္ဂလိပ်အစိုးရက သခင်အောင်ဆန်းကို (Burma List) ခေါ်ဗြိတိသျှနယ်ချဲ့အစိုးရ၏ ရန်သူတော်စာရင်းတွင် အမှတ်စဉ်(၅)အဖြစ် ကြေငြာခဲ့သည်။
ဇူလိုင်လတွင် ဗိုလ်မှူးကြီး ဗမာ့ကာကွယ်ရေးတပ်မတော်စစ်သေနာပတိအဖြစ် ဆောင်ရွက်ခဲ့သည်။
သြဂုတ်လ(၁)ရက်တွင် ဘီအိုင်အေ(ဗမာ့လွတ်လပ်ရေးတပ်မတော်)မှ ဘီဒီအေ(ဗမာ့ကာကွယ်ရေးတပ်မတော်)အဖြစ်သို့ပြောင်းလည်းရာတွင် ကာနယ်(ဗိုလ်မှူးကြီး) ရာထူးဖြင့် ဘီဒီအေတပ်မတော်၏သေနာပတိဖြစ်လာသည်။
စက်တင်ဘာ(၆)ရက်တွင် ဒေါ်ခင်ကြည်နှင့်လက်ထပ်ခဲ့သည်။
နိုဝင်ဘာလ(၈)ရက်တွင် မြို့တော်ခန်းမ၌ ကျင်းပသော ခေတ်သစ်ဆရာဖြစ်သင်တန်းတွင် “သေနင်္ဂဗျူဟာစစ်ပညာ” အကြောင်းဟောပြောပါသည်။

၁၉၄၃ ။ ။ (မတ်လ) မေဂျာဂျင်နရယ်(ဗိုလ်ချုပ်)ရာထူးသို့ တိုးမြှင့်ခြင်းခံရသည်။
မတ်လ(၁၇)ရက်တွင် ဒေါက်တာဘမော်နှင့်အတူ ဂျပန်ပြည်တိုကျိုမြို့သို့ ဖိတ်ကြားခြင်း ခံရပြီး မတ်လ ၂၂ ရက်နေ့တွင်ဂျပန်အင်ပါယာ၏ ဘွဲ့ထူး၊ ဂုဏ်ထူးတံဆိပ်(Order of the Risingun) ဖြင့်ချီးမြှင့်ခြင်းခံရသည်။
သြဂုတ်လ (၁)ရက်နေ့တွင်ဗမာ့တပ်မတော်စစ်ဦးစီးသေနာပတိရာထူးအပြင် စစ်ဝန်ကြီးအဖြစ် ဆောင်ရွက်သည်။ ဂျပန်အစိုးရ၏ (First Class Order of Sacred Treasure) ချီးမြှင့်ခြင်းခံရသည်။

၁၉၄၄ ။ ။ သြဂုတ်လ (၄)ရက်တွင် ဗိုလ်ချုပ်အောင်ဆန်းခေါင်ဆောင်ပြီး ဖက်ဆစ်တိုက်ဖျက်ရေး၊ ပြည်သူ့လွတ်လပ်ရေးအဖွဲ့ချုပ်ကြီး(ဖဆပလ)ကို ပဲခူးမြို့ ဗမာ့တပ်မတော်တိုင်း(၄)စခန်း၌ လျှို့ဝှက်စွာဖွဲ့စည်းခဲ့သည်။ သို့ရာတွင် ဖွဲ့စည်းရာ၌ ဗိုလ်ချုပ်အောင်ဆန်းသည် ဖဆပလ ဗဟိုဦးစီးချုပ်အဖွဲ့နှင့် ဖဆပလ ဗဟိုစစ်ကောင်စီတွင် စစ်ရေးခေါင်းဆောင်အဖြစ်တင်မြှောက်ခြင်းခံရသည်။
သြဂုတ်လ(၂၃)ရက် ဗုဒ္ဓဟူးနေ့တွင် ရန်ကုန်မြို့ပတ်လမ်းနှင့် ဦးမြတ်ထွန်းလမ်းထောင့်ရှိ စစ်ဝန်ကြီးချုပ်ဗိုလ်ချုပ်အောင်ဆန်း၏ နေအိမ်၌ ဖက်ဆစ်တိုက်ဖျက်ရေး ပြည်သူ့လွတ်လပ်ရေးအဖွဲ့ချုပ်ကို ပြန်လည်ဖွဲ့စည်းသည်။

၁၉၄၅ ။ ။ မတ်လ (၁၇)ရက်တွင် ရန်သူကိုတိုက်ခိုက်ရန်အတွက် တပ်မတော်ကို ဦးဆောင်၍ စစ်မြေပြင်သို့ထွက်ခဲ့သည်။
မတ်လ (၂၇)ရက်တွင် ဖက်ဆစ်ဂျပန်များကို စတင်တော်လှန်သည်။

၁၉၄၆ ။ ။ ဇန်န၀ါရီလ (၂၀)ရက်တွင် ရွှေတိဂုံအလယ်ပစ္စယံ၌ကျင်းပသော နိုင်ငံလုံးဆိုင်ရာ ဖဆပလညီလာခံတွင် ဖဆပလဥက္ကဌအဖြစ် တင်မြှောက်ခံရသည်။

၁၉၄၇ ။ ။ ဇန်န၀ါရီလ (၂)ရက်တွင် သခင်မြ၊ သတင်တင်ထွဋ် တို့နှင့်အတူဘိလပ်သို့ သွားသည်။
ဇန်န၀ါရီလ(၅)ရက် ညနေ(၅)နာရီ(၁၀)မိနစ်တွင်အချိန်တွင် အောလ်အိန္ဒိယရေဒီယိုမှနေ၍ ဗမာပြည်သို့ဟူသော မှာကြားမိန့်ခွန်းကိုအသံလွှင့်သည်။
အာရှညီညွတ်ရေးသို့ဟူသော ဗိုလ်ချုပ်၏အသံသွင်းမိန့်ခွန်းကိုလည်း ထိုနေ့ည ၈း၃၀ နာရီအချိန်တွင် ဒေလီရေဒီယိုမှ အသံလွှင့်သည်။
ဇန်န၀ါရီလ ၁၃ရက်တွင် ဗိုလ်ချုပ်အောင်ဆန်းဦးစီးသော မြန်မာကိုယ်စားလှယ်အဖွဲ့နှင့် ဗြိတိသျှဝန်ကြီးချုပ် အက်တလီခေါင်းဆောင်သော ဗြိတိသျှကိုယ်စားလှယ်အဖွဲ့တို့ ဆွေးနွေးပွဲကို လန်ဒန်မြို့အမှတ်(၁၀)ဒေါင်းနင်းလမ်းရှိ ဗြိတိသျှဝန်ကြီးချုပ်ဂေဟာ၌ ကျင်းပသည်။
ဇန်န၀ါရီလ (၂၇)ရက်နေ့တွင် အောင်ဆန်း-အက်တလီစာချုပ်ကို လက်မှတ်ရေးထိုးသည်။ တစ်နှစ်အတွင်းမြန်မာပြည်အား လုံးဝလွတ်လပ်ရေးပေးရန်ဟူသော သဘောတူညီချက်ကို ဗိုလ်ချုပ်အောင်ဆန်း၏စွမ်းဆောင်မှုဖြင့်ရရှိခဲ့ပေသည်။
ဖေဖော်ဝါရီလ (၂)ရက်တွင် ဗိုလ်ချုပ်ဘိလပ်မှရန်ကုန်သို့ပြန်ရောက်သည်။ ၁၇း၁၅ နာရီတွင် မင်္ဂလာဒုံလေဆိပ်တွင်သွားကြိုကြသည်။
ဖေဖော်ဝါရီလ (၄)ရက်တွင် ဗိုလ်ချုပ်ဘိလပ်စာချုပ်အကြောင်း ရေဒီယိုမှအသံလွှင့်သည်။
ဖေဖော်ဝါရီလ (၆)ရက်တွင် ၁၄း၀၀နာရီတွင် ရန်ကုန်မှ ကားနှင့်ပင်လုံသို့ထွက်သည်။ ဖြူးတွင်ညအိပ်သည်။ ဗိုလ်အောင်၊ ဗိုလ်မင်းလွင်တို့ကားတွင်အတူလိုက်ပါရသည်။
ဖေဖော်ဝါရီလ (၇)ရက်နံနက် ၆း၀၀နာရီတွင် ကလောမှ ရှမ်းပြည်တောင်ပိုင်း၊ပင်လုံမြို့သို့ ၁၉း၀၀နာရီတွင် ရောက်သွားသည်။
ဖေဖော်ဝါရီလ (၉)ရက်နေ့လည်ပိုင်းတွင် လူထုဟောပြောပွဲဗိုလ်ချုပ်ဟောသည်။
ဖေဖော်ဝါရီ ၁၀ ရက်နံနက် ၁၀း၀၀နာရီတွင် ဗိုလ်ချုပ်နှင့်ရှမ်း၊ကချင်၊ ချင်း၊ကိုယ်စားလှယ်များ အစည်းအဝေးကျင်းပသည်။ အကြမ်းရေးဆွဲချက်ကိုဝေငှသည်။
ဖေဖော်ဝါရီလ (၁၂)ရက်နံနက် ၁၀း၀၀ နာရီတွင်ဗိုလ်ချုပ်အောင်ဆန်းနှင့်တိုင်းရင်းသားခေါင်းဆောင်(၂၁)ဦးတို့ ပင်လုံစာချုပ် လက်မှတ်ရေးထိုးသည်။ နေ့လည် ၁၂း၃၀နာရီတွင်ပြန်ကြသည်။ ကလောတွင်ညအိပ်သည်။ နံနက် ၉း၀၀နာရီတွင် ရှမ်းအမျိုးသားသီချင်းနှင့် အမျိုးသားအလံတင်သည်။
ဧပြီလ(၉)ရက် ၁၈း၀၀နာရီတွင်ဇနီးဖြစ်သူ ဒေါ်ခင်ကြည်နှင့်အတူ မဲရုံများသို့ လိုက်လံစစ်ဆေးသည်။ ရွေးကောက်ပွဲကျင်းပရာတွင် ဗိုလ်ချုပ်ဦးဆောင်သော ဖဆပလသည် မဲအပြတ်အသတ်ဖြင့်အနိုင်ရသည်။
ဇူလိုင်လ(၁၃)ရက် တနင်္ဂနွေနေ့မြို့တော်ခန်းမမှနေ၍ လူထုသို့ မိန့်ခွန်းပြောကြားသည်။ နောက်ဆုံးမြွက်ကြွားခဲ့သောမိန့်ခွန်းဖြစ်သည်။
၁၉၄၇ ။ ။ ဇူလိုင်လ(၁၉)ရက်စနေနေ့ နံနက်၁၀း၃၇ မိနစ်ခန့်တွင် နယ်ချဲ့လက်ပါးစေ ဦးစောနှင့်အပေါင်းအပါတို့၏ ရက်စက်ယုတ်မာစွာလုပ်ကြံသတ်ဖြတ်မှုကြောင့်ကျဆုံးခဲ့ရသည်။
နံနက် ၁၀း၃၇ နာရီတွင် အတွင်းဝန်ရုံးကြီး၌
-ဗိုလ်ချုပ်အောင်ဆန်း
-ဦးဘချို
-ဦးဘ၀င်း
-မန်းဘခိုင်
-မစ္စတာရာဇတ်
-ဦးဘဂျမ်း
-ဦးအောင်ဇံဝေ
-သခင်မြ
-မိုင်းပွန်စောဘွားကြီးစ၀်စံထွန်းတို့သည် ဗမာပြည်ပြန်လည်ထူထောင်ရေးအတွက် ဆွေးနွေးနေကြစဉ် စစ်သားယောင်ဆောင်သူများ စက်သေနတ်ဖြင့်ဝင်ရောက်ပစ်ခတ်သည် ဦးအောင်ဇံဝေနှင့် ဦးဘဂျမ်းကလွဲ၍ အားလုံးကျဆုံးသည် ဦးဘဂျမ်းသည် လက်ဖျားတွင် ဒဏ်ရာရသည်။ လူသတ်သမားတို့သည် အစည်းအဝေးခန်းမအတွင်းမှ ပြန်အထွက်တွင် ဦးရာဇတ်၏သတ်တော်စောင့် ရဲဘော်ကိုထွေးနှင့်တွေ့ဆုံပြီး ရဲဘော်ကိုထွေးအား လူသတ်သမားတို့မှ ပစ်သတ်၍ ရဲဘော်ကိုထွေးကျဆုံးခဲ့ရသည်။
ထိုညဦးစောအိမ်ကိုပုလိပ်များဝိုင်းရှာသည် လက်နက်များနှင့်ယမ်းတောင့်များဖမ်းမိသည်။ ဦးစောနှင့် လူ ၁၉ယောက်သူ၏အိမ်တွင်ဖမ်းမိသည်။ ၁၉ရက်နေ့ညနေမှာပင် ဗိုလ်ချုပ်နှင့်တကွ အလောင်းများကို ဂျူဗလီဟောသို့ပို့ဆောင်သည်။ နိုင်ငံတော်ဈာပနအဖြစ်စီမံမည်။ တလထားမည်ဟုဆုံးဖြတ်သည်။
မကြုံဘူးသော လူထုကြီးကို တွေ့ရသည်၊ တမြို့လုံးယဉ်အသွားအလာမရှိ ရုပ်ရှင်ပွဲနှင့် ဆိုင်များအားလုံးလူမျိုးမဘာသာမရွေးပိတ်သည်။

ဗိုလ်ချုပ်ဟာ ကျနော်တို့တွေရဲ့ရင်ထဲမှာ အမြဲတမ်းရှင်သန်ဆဲပါ။

3 comments:

Anonymous said...

ဘယ်လိုပဲဖြစ်ဖြစ် ဗိုလ်ချုပ်ကျဆုံးတယ် ဆိုတဲ့ စာသားကို ဘယ်နေရာမှာပဲ တွေ့တွေ့ မျက်ရည်ကျမိပါတယ်။ ဒီပို့စ်လေးကို တင်ပေးတဲ့အတွက်လည်း ကျေးဇူးပါနော်။

စိုးထက် - Soe Htet ! said...

ဝမ်းနည်းစွာ အလးပြု သွားပါတယ် ....

Anonymous said...

Congretulation fro my brother.
Good job bro.
May get of successfull.
Nyimalay.

ပြည့်စုံ © 2013. All Rights Reserved | Powered by:Blogger

Designed by:Windroidclub