ခွဲခွာချိန်

အိပ်မပျော်တဲ့ည ဒီညပေါ့
ငါ ၀မ်းနည်းခြင်းတွေ ရေးခြစ်
အာရုဏ်ဦးကို
အိပ်မပျော်ခြင်းနဲ့ ရောက်ခဲ့
မြက်ခင်းစပ်က “နှင်း”တစက်ကြောင့် ဒီကဗျာဖြစ်ခဲ့တယ်။

ဥသြရဲ့ သံစဉ်
ရင်ဘတ်ထဲ အချိန်မတန်ခင် ပြန့်လွင့်
ချစ်ခြင်းမေတ္တာဆိုတာကို
ငါ့ပါးစပ်က ကြီးကြီးကျယ်ကျယ်မပြောခဲ့ပါဘူး။
ငါ့ကိုသူကမချစ်တာ သေချာခဲ့တယ်
ငါက သူ့ကိုချစ်တာ ဖြစ်ကောင်းဖြစ်နိုင်တယ်။

အဝေးလူက တေးသီလို့
ဖော်မဲ့ကြေကွဲမှု အထပ်ထပ်ရစ်ပတ်
အလွမ်းတွေရိုက်ခတ်မှုကြောင့်
မှိုင်းညို့ညို့တောင်တန်းတွေ လှိုင်းတံပိုးတွေထ
ပင်လယ်ပြင်ကျယ်က လှုပ်ခါပေါက်ကွဲ
စိမ်းလဲ့လဲ့မြက်ခင်းကျယ်ကြီးက မီးဟုန်းဟုန်းတောက်
စင်္ကြာဝဠာကြီးလည်း ဘောင်ဘင်ခတ်
အနန္တတန်ခိုးရှင်တွေလည်း ဘယ်ထွက်ပြေးကုန်ပြီမသိ။

ယုံကြည်ချက်တွေ ပါးလွှာပြီး
ခံစားချက်တွေ အင်အားမဲ့ခဲ့
ငါအော်ဟစ်မိ
ရင်ဘတ်ထဲက အသံနက်နက်
ပေါက်ကွဲမှုလား
နာမည်တစုံလား
ကြေကွဲမှု အငွေ့အသက်တွေလား
လွမ်းကွဲကြေ သံစဉ်တွေလား .....
........ ..... ...... ...... .......
..... ....... ........ ....... .......... ။

ပြည့်စုံ